Aoyimsen Baptist Arogo nung February 14 & 15, 2019 anogo nung ABAM  Social Concern Training Zone 8 & 9 kanga takok ngua agiogo. Ajak agi arogo 24 nungi Sannukertemi anir toklang tenzuker aser lim arogotem social concern Committee zungsem 71 arua iba training nung aten. 
Shisalen sayur Mr. Maong Jamir Asst. Director Prodigal Home, Dimapur liasu. 
Training mapang arogo balala nung lokti tebilemtsutem asadanga item tebilemtsu arogoi koda anebalutsu nungdak ta tangatetba aguja kanga temoatsu ngua agiogo.
Tatembang session nung Mr. Lipok Jamir Pastor Diphupar Ao Baptist Arogo ajanga Nehemiah kaket nungi Yirusalem jara yangluba atishia asen Aor tesem ajak nung meruktetsu mapang tongogo.Anungji arung tanu nungi asen lima anebalu tenzukti ta ayongzuka sentong tembang.
Iba sentong tulu tiptema achaayangba asoshi ABAM ajanga Aoyimsen Baptist Arogo dang pelaba lemsaer.
Tsungremi Ao arogotem lokti tebilemtsu mapa inyakdang asen lima nung temelenshi atokdakjang ta ABAM sarasadem ayur.

SD/-
Executive Secretary, ABAM