2019 Küm ABAM Zone Wise Deacon Training telok asem lemsaer agia aruba tatembang buba Zone 1, 2 & 3 May 25 & 26, 2019 anogo “ Tenzüktsü asoshi” omen sür Impur nung kanga takok ngua agiogo. Ajak agi arogo 60 nungi Deacontem 307 arua iba training nung aten. Iba training nung item onüktem nung tongti shilem agirtem yamai. Rev. Dr. Mar Atsongchanger Executive Secretary, ABAM ajanga “Tanü Mungdang aser Lim Arogo tesendaktep”, Rev. I. Lima Jamir Pastor Kümlong B/A ajanga “ Baptist Arogo Yimten Yimsüsüba, Arogo aser Yimten tesendaktep aser tepila aser Tenzüktsü asoshi” aser Rev. I. Wati  Jamir Senior Pastor, DABA ajanga “ Deacon ka teinyaktsü” item onüktem lenirtem ajanga kanga jangja jangja teratetba agütsü.

ABAM calendar nung 26 May 2019 anogo ABAM Sesquicentennial sangdong inoka  aliba ama Rev. Dr. Mar Atsongchanger Executive Secretary, ABAM ajanga Impur Baptist Arogo aser Deacon training nung atenertem den Devotional sentep mapang 2019 – 2022 (Jubilee Küm) tashi ABAM nung Lim arogotem küm shia nükjidong balala nung agia aotsü terasaba agüja iba osang sangdongba mapang agi.

Tatembangba sentong nung Yisu-i pa nütsüng dang tila kümer tenzüktsü sayua parnok tetsüng shitoktsüba ama ABAM staff aser tongti shilem agirtem ajanga Deacontem tetsüng shitokja yamai asenoki tenzükti ta sarasadem tajung ka agia iba training tempang.

Tsüngremi Deacontem kibong aser par tenzükba moajang ta ABAM sarasadem.