Ao Baptist Arogo Mungdang 123 Buba Küm tatem Mungdang Tir Rev. O. Lima Pastor Luyong B/A aser tatong Tir Rev. Temsü S. Pastor Alempang B/A leniba kübok November 21 & 22, 2019 kanga takok ngua agiogo. Ajak agi Arogo 154 aser Fellowship 6 nungi delegates 848 arua liasü.
Rev. Dr. Mar Atsongchanger Executive Secretary, ABAM ajanga tayongzükba agütsüba mapang II Peter 1:10 nung ajemdaker asenok pei tajaba jangja jangja angateta aser metettsü jangra, ajemalua aseni tenzükba Tsüngrem temulung jidakja sentsühtsüer aser temetsüdaker kaka masütsüsa bendanga agüja nungloktsüba mapa nung melaki inyaka maneni 2020 küma kasaji tenzükti ta tayongzükba tulu agütsü.
Tongtipang telemtetbatem:
1. 2020 Küm ABAM Omen “ Tesendaktep ajanga taneptsü” II Putipoyang 7:14 asütsü.
2. Tir Rev. O lima term agi atongnung tatong Tir Rev. Temsü .S. Tir mendeni atu.
3. Tatong Tir Dr. Lolen Imchen Pastor Mangmetong B/A shim.
4. Impur tesem ya “Plastic free zone” declare asür aser tanüngba Arogotem ajak yamajisa asütsü ajungshir.
5. “Model Village Ao Baptist Arogo” ABAM nung züngsem tasen ka akümer. Tang ABAM nung Lim arogo 164 lir aser Imkongsenden Baptist Fellowship affiliation asüba ajanga fellowship 8 akümer.
Tatempang sentong nung Rev. Dr. Mar Pongen Principal CTC ajanga “Tesendaktep ajanga taneptsü” onük nungi jembiba mapang Tsüngrem den tesendaktep makara meimchiri merangdangba nung taneptsü marutsü, anungji Tsüngremer ola angashia Pa dak dangloka lia shitakba taneptsü agiti ta ayongzük.
Maneni 2020 küm sentongtem palala agia aodang Tsüngremer taochi agi len aniang ta ABAM tamang sarasadem ayur. Tsüngremi ABAM Lim arogotem Pa wadang inyakba nung moajangma.
.
