ABAM Sunday School Adult Christian Education sentong February 27 & 28, 2021 Impur nung kanga takok ngua agiogo. Asso. Pastor Christian Education,AP Youth aser Sunday School superintendent ajak meyokteter parnok 75 shi arua iba sentong nung aden. 

Iba sentongya tanu asen ao arogotem nung teintet roko asoshi Tsungrem O anganutsu rongdak nungdak ta angateta,  Deopar Skol nung akhi ama adult class ya asentenshia agitsu nukla nung agia liasu. Tanu arogotem ishika dak alaka iba adult class makai teintet rogo asoshi mejeteta Tsungrem o anganuba sabang mali. Anungji, parnok asoshi arogotemi Tsungrem o angatsu maongka lapokja adult class agitsu tongtipang ta iba sentong nung tesayuba tajung aguja tangzukba tulu angu.

Nukla tulu nung iba sentong tajung agia aodang Tsungremer leniba ajak den liang ta ABAM tamang ayur.

Sentong nung tongti shilem agirtem :

Mr. T. Apok Jamir Secretary, Literature & Education Ministry, ABAM, Dr. Moalila Lecturer, CTC aser Mr. Chubatemjen Ozukum, Coordinator, Sunday School ABAM.

Sd/-

Rev. Dr. Mar Atsongchanger 

Executive Secretary, ABAM