ABAM Christian Education & Literature Ministry ajanga Ongpangkong aser Ao lima ajanger aliba arogotem Sannükertem asoshi Ao Oshi Terenlok Sentong ka “Ao Oshioben aser Zülumen Lirumedem" Onük nung rangloker, Tsüklai 14, 2025, anogo Impur nung agia liasü. Tanü Ao Oshi ajanga tenzükba wadang nunga tongti shilem agir aser lokti liba nunga pei ayak kümzüka ayur. Ajioda, oshi ka dang süaka aiben liru memedemi tongtepratep abensa mesütetba tensa aiben ajurur. Anungji, asen libaliru ajak nung lirumedema inyaksangshia jembishinütettsü nükla nung iba sentong agiogo. Iba sentong nung tongti tesayur Mr. I. Temjen Tzüdir, Coordinator, Ao Riju liasü. Ajak agi arogo 36 nungi nisung 47 tashi arua iba sentong nung aden. Maneni aseni asen oshi meraketa amshia tenyaba wadang inyaktsü sarasademer.