ABAM Literature & Education Ministry ajanga 2023 nungi "Lanujen Waden" sentong "Kümdangdi" Kolosi 2:8 omen sür agia aruba tatembang buba Zone 8 & 9 asoshi Kohima Ao Baptist Arogo nung  Metsüremi 21 - 23, 2025,  kanga  temoatsü ngua agia tembangogo.

Iba sentong ya tanü tanurtemnem tekümdangtsü lenmang mesayura tarutsü tia tamajungba kati menebtsü aser meyanglutettsüsa teraksa ajurutsü ta ngua, lanurtem jadena tesayuba tajung agütsütsü iba sentong ya agiogo. 

Iba sentong nung Shisa Len Sayurtem; Rev. Dr. Moanungsang, Secretary, Christian Education & Literature, ABAM, Rev. Dr. Olem Jamir, Sr. Pastor, Pathways Church, Dimapur, Mrs. Abenla Aier, Coordinator, Children Ministry, ABAM, aser Mr. Imsentiba Jamir, Coordinator, Sunday School Ministry liasü.

Ajak agi arogo 28 nungi tesayurtemi anir tanurtem 726 arua iba sentong nung dena liasü.

ABAM ajanga Kohima Ao Baptist Arogo dang iba sentong achaayangba asoshi pelaba lemsateper.

Maneni Lim arogotem nung tanurtem wadang inyaka aodang Tsüngremi bendanga agütsüba lanur tajung jenti adokdakjang ta sarasademer