ABAM Social concern ajanga ayonga Temesepba Chiyungtsü Amshir Anepalutsü Anagzükshiba sentong ka August 23, 2024, anogo kanga takok ngua agiogo. 

Iba sentong ya tanü temesepba chiyungtsü ajanga timtem bener arutsüba ajanga asen nübur akoksaba ya shibai kibur küma inyaktsü ta sensaksemba sentong ka liasü.

ABAM Church & Mission ministry ajanga ayonga toklanga tenzüker asoshi counselling training August 12-14, 2024, Impur nung kanga temoatsü nung agiogo. 

Vocational Training cum Production Centre (VTPC), ABAM Women Ministry ajanga Zone 2 Dorka cell pur atema sü arba aser chiyungtsü tabu balala yangluba training ka ayonga August 5 & 6, 2024, Impur nung kanga takok ngua agiogo. Iba training nung Mrs. Ainla, Mkg ajanga sü arba aser Mrs. Anungla, Dimapur ajanga chiyungtsü yangluba sayua liasü. 

Maneni ABAM Literature & Education Ministry ajanga Lanujen Waden Zone 5 & 6 asoshi Chiteni (July) 26-28, 2024 nung "Kümdangdi" Kolosi 2:8 omen sür Khar Baptist Arogo nung sentong kanga dang junga agiogo. Sentong nung Tsüngi O jembir Dr. Moanungsang, Tzüdir, Secretary, Education & Literature, ABAM ajanga asüng asoshi tanü tanurtemji metsü tajung shiteta ayuba aser tarutsü mangdang tajung ayuba ta angateta Ministry ajanga kanga nendaka sayua arurdar. Anungji iba ministry ya tarutsü mapang asoshi teimla ta angateta bendanga agüja sayutsü ayongzük.