Associate Pastor Women Angazükshiba sentong, Tetsür ka Taküm: Tesüiba, Tang aser Tarutsü Omen nung ajemdaker ABAM WM ajanga ayonga Aami (June) 4-7, 2024,  anogo Clark Theological College, Aolijen nung parnok 36 tashi arua takok ngua agiogo. 

Iba sentong nung Shisa len sayurtem aser onüktem yamai liasü:

Dr. Temsüyanger Aier, CTC, Aolichen - “Laishiba nung Tetsürtem 

Prof. L. Imsütoshi Jamir, CTC, Aolichen  Tetsür aser Media

Dr. Arenla Lkr, CTC, Aolichen  Tetsürtem den Tenzükba wadang nung Sannüker Tsüngi O

Rev. Sentimeren Pastor, MTBA  Arogo nung Tetsür Tenzükba Wadang Koda Tongtipang

Mrs. Alemla Mozür  “Tetsür anema Tashiyim inyakba”

Mrs. T. Arenla Lkr  “Lokti aser Arogo nung Tetsürtemi ajangshiba Tebilemtsütem. 

Iba sentong ya Associate Pastor Womeni arogo aser lokti nung tetsür ka jenjang aser teinyaktsü  tayimjemba aser terajemba nung angateta, mangdang shitak yur nüburtem anitsü nükla nung 2019 küm nungi agiyonga aruba, tatembangbuba sentong June 7, 2024 tashi nung,  Associate pastor women ajak agi 151 iba sentong nung denogo ta  Mrs. T. Arenla Lkr Secretary, ABAM WM ajanga osang ka nung metetdaktsü. 

ABAM WM ajanga tetsürtem asoshi khuret bena arogotem nung APWtem den külemi teka amteper inyaka aodang Tsüngremi moajangma.