ABAM Youth Ministry ajanga Sports & Scripture Engagement sentong June 27 & 28, 2204, Impur nung Zone 1,2,3&4 agia liasü. 

Iba sentong ya asaya balala aser Tsüngremer sentong tesendaktep Laishiba nungi tesayuba tejangja agütsüba den nütsüngsüba mapa lenmang bushiba nükjidong sür agia arutar. Lanurtem asoshi tenla ki alema oa alirtem dangi Tsüngrem o bener aoba sabang tajung rongnung ya ka lir. Aika iba sports ministry ajanga taküm melenshia otar aser maneni aika asoshi taküm lenmang asütsü amanger. 

Iba sentong nung shisa len sayurtem ABAM Youth Ministry, Mr. Lima Jamir, APY, Impur Baptist Arogo aser Mr. Imma Jamir APY, Kümlong Baptist Arogo liasü. 

Ajak agi Arogo 33 nungi APYi anir lanurtem 91 arua iba sentong nung aten. 

Maneni Tsüngremi Youth Ministry ajanga sports ministry inyaka aodang aika asoshi taküm lenmang anguba Ministry ka süangma.