ABAM Church & Mission ministry ajanga ayonga toklanga tenzüker asoshi counselling training August 12-14, 2024, Impur nung kanga temoatsü nung agiogo. 

Tenzükba wadang nung counselling ya kanga tongti shilem ka lir. Kechiaser arogo nung tenzükba ya nisung taküm tia balala den tesendaktep kaa sensaksemba wadang lir.  Anogoshi meimchir tia balala nung sensaksem agatsü wadang asünung iba shilem ya junga agitetra tenzükba wadang nung terenlok aser takok lir. Tanü nüburtem teyongyaba ji kibok nung sensaksem tajung agia temulung süngzük angutsü ya lir. Anungji item nüngdak angateta iba sentong agir. 

Iba sentong nung shisa len sayur, Dr. Tsüknungrenla Lkr Asso. Prof. CTC aser Rev. Dr. Moa Imsong DABA, liasü. 

Ajak agi Arogo 24 nungi tenzükertem 42 arua aden. 

Tsüngremi tenzükertem maneni nübur aika asoshi anisüngzük agütsütetba tenzüker süangma.