ABAM Literature and Education Ministry “Re-Envisioning” (Deeper, Closer and Stronger) sentong T. Ken 51:10 nung ajemdaker March 1 – 3, 2019 anogo nung kanga takok ngua agiogo. Arogo 105 nungi Asso. Pastor Child-I anir Child teasyurtem 321 arua iba sentong nung aten. Iba sentongya tarutsu mapang tanu asen chirtem jenjang tajungba nung alitsu asoshi tanu tesayurtemi koda mangdang tulu ayutsu tim ta asuba nukjidong nung agi. Sentong nung Shisa len sayur Mr. Godfrey Fernandez Directopr of Arete
Elements Bangalore, India liasü.
Rev. Dr. Mar Atsongchanger Executive Secretary, ABAM ajanga pela agizuka tayongzukba agutsuba mapang asenoki mangdang aser nukjidong tulu ayutsu akok, saka asenok Tsüngrem tsungdang bendanga agutsuba takum mesura item ajakji amajok dang asutsu ta shia liasu. Maneni paisa ashi, tanu asen ABAM kubok tanurtem 36000 shi lir aser item tanurtem tanelar lenmang nenok ket nung lir, anungji, parnok tarutsu jenjang bilemdanga bendanga aguja tenzuktsuji nenok mangdang asutsula
ta A. Shin 22:6 nung ajemdaker ayongzuk. Shisa len sayur Godfrey ajanga “ Re - Envisioning” onuk nung ajemdaker session 9 tashi agia liasu. Omen nung ajemdaker jembiba mapang, tesayur ka asoshi tarokba, anasaba aser tashi taitba nung Tsungrem den tanurtem asoshi mangdang tulu ayutsu tongtipang tesayuba agutsuba kar yamai liasu. “Tesayur kati tanu 500% mapang agutsutetba takum asutsula kechiaser tanu tanurtem asen dang nungi ponguben tali tejiraba aser tekeraba lir,Tesayurkaji temeim angatetba tesayur ka asutsula, tanurtem mangdang angateta tapet tesayuba agutsuba takum, tanurtem asoshi anasatiba Tsungremji tesayur, anungji Tsungremi mulungba yimya aser libaliru shitak amshia sayutetba takum; kechiaser tanurtemi aseni sayuba dang nungibo asen yimya timba angazuker, na koma yamaji dang nai sayuba tanurtem asutsu anungji nai tanur ka koma kumdaktsuner yamaji litetba takum, Tanelar chiyungtsu agutsuba dang masu saka alima nung alir asunung yimya yimpong aser awashi tejangja agutsutetba takum
asutsula” ta sayua liasu. Aser item mangdangtem shitak amshitetsu asoshi tesayur shia anogoshi pei takum reprangshiba takum asutsula aser Tsungrem den sensaksemtsu asoshi Pa nem mapang peria agutsutetba takum asutsula ta kanga nendaka sayu.
Mr. T. Apok Jamir Secretary, Literature & Education, ABAM ajanga tatempang tayongzukba mapang, Ministry-I aginua sentong yangluba ama tesayuba tejangja agutsubaya Tsungremer sentong lir, anungji asen tenzukba angati masutsuar maneni ano tali tamang akangshir mangdang tulu nung tanurtem jenjang tajung yanglutsudi ta I Kor 15:57&58 nungi ajemdaker ayongzuka sentong
tempang.
Tsungremi maneni ABAM nung aliba arogotem Child tesayurtem mangdang tulu yur sayuba ajanga tanurtem Tsungrem dangi anasatibai anir arutsu tamang sarasadem ayur.
Sd/-
Executive Secretary, ABAM
