ABAM Literature and Education Children Ministry ajanga ayongba Lanujen Waden ana buba ABAM Zone II asoshi July 7-9,2023, kanga takok ngua agiogo. Iba sentong "Kumdangti" Kolosi 2:8 nung ajemdaker agiogo. Iba sentong nung jangratemtsü kaji, Extravaganza mapang nung laishiba nungi tongtipang otsütem aser ABAM dak sendakba otsütem jilushi aiba liasü. Aikati memetetba otsütem saya ajanga sayubaji ajak asoshi kanga tangazükba tulu anguba mapang liasü.  

Iba sentong nung tongti O jembirtem

Rev. Dr. Prof. Mar Pongener, Executive Secretary, ABAM, Mr  Butesen Ozüküm, Research Student of Media & Education MLCU, Shillong aser Mrs. Abenla Aier Child Coordinator, ABAM liasü.

Ajak agi Arogo 19 nungi tesayurtem 78 anir tanurtem 383 arua iba sentong nung aden.

Maneni iba sentong agia aotsü alinung ajaki sarasadem nung yariti.

Sd/-

Rev. Dr. Mar Pongener 

Executive Secretary, ABAM