ABAM WM nung  Vocational Training cum Production Centre (VTPC) ajanga ABAM zone 4 Dorka cell asoshi sü arba aser chiyungtsü tabu balala yangluba training ka ayonga May 20 & 21, 2024, Impur nung kanga takok ngua agiogo. Iba training nung Mrs. Kilangla, Impur ajanga sü arba tabu balala sayua liasü aser Mrs. Tutu Jamir, MTBA ajanga chiyungtsü tabu balala yangluba sayua liasü. 

Iba training ya tanü asenoki pei sasa inyaka nokdaktetba kibong aser taküm asütsü nükla nung agir. Asenoki inyaktetsü mapa aika meinyaki rongsen jenti entoka alia achir aser subor. Anungji joko asenok sasa inyaktetba mapatem asenoki inyaka tangar dak nendaka meli litettsü nükjidong nung iba training agiogo. Ajak agi arogo pungo nungi parnok 12 arua iba training nung aten. 

Maneni iba sentong agia aodang Tsüngremer leniba agia aika tajangzük anguba sentong asütsü sarasademer.