ABAM Impur: ABAM ajanga ayongzüka Nagaland Canaan Farmers’ School Training (5th Batch) Changtongya Town nung Sept. 12 - 15, 2017 takok ngua agiogo. Iba sentong nung Arogo 11 nungi nisung 21 tashi tena liasü. Shisalen sayurtemji Dr. Sashiyangba, Assistant Project Officer, Department of Land Resources,  Government of Nagaland, Rev. I. Wati, Asso. Pastor Dimapur Ao Baptist Arogo,  Rev. Dr. Mar Atsongchanger, Executive Secretary, ABAM  aser  Rev. O. Lima Pastor Loyung Baptist Arogo liasü. Canaan Farmers' School nung nisung ka taküm nung shisa-mulung melenshia, anünga aliba anogotem nung pa/la meküta aliba tesem nung temelenshi koda adokdaktsütsü, iba nükjidong nung  Laishiba nung ajemdaker tesayuba tasen agütsür. (Community transformation with a mind-set change). Ano aluyimba/atsüki anebalutsü aser item mapa nung aseni yanglutetba ali mol (manure) amshia koda inyaktsu item tesayuba agütsür. Korea lima ken mapang ka kanga dang  sensaktiba linuk ka liasu, saka iba Canaan Farmers’ School tesayuba ajanga par lima  kanga junga renlokogo aser kanga dang takar lima kumogo. Iba ama Korea nunger takok otsu tatishitsu amshia Canaan Farmers’ School nung tesayuba agütsür. 5 Buba Nagaland Canaan Farmers’ School Sentong Changtongya Town Baptist Arogo nung akatsu par Arogo-i mulungsoa agizukba aser parnok teyari tajung asoshi pelaba ABAM tenung nung metetdaktsur.