ABAM Contemporary Social Issues Seminar Zone 4,5,6,7 & 8 agi

ABAM Contemporary Social Issues Seminar Zone 4,5,6,7 & 8 Impur nung March 25 & 26, 2019 anogo arogo 19 nungi Sannukertemi anir tenzükertem 51 arua kanga temoatsü nung agiogo. Dr. Maongsangba Associate Professor Dimapur Government College aser Dr. L.Imsutoshi Jamir Director, Clark Communication & Cultural Research Centre (CCCRC), CTC liasu.

Rev. Dr. Mar Atsongchanger Executive Secretary, ABAM ajanga tayongzukba O agutsuba mapang Ao Mungdang mezung senden agiba mapang nungi asen lokti nung tebilemtsu jenti liasu; yamaji Mungdang ajanga tanelar asoshi dang masu saka lokti tiptema alitsu khuret bena Mungdang tenzuk ta pai shia liasu. Ao Mungdang mezung senden nung telemtetba 8 agiba nungi tongtipang rongnung kaji “tasu mang ali nung aremtsu” telemtetba agiba ya liasu ta pai sa ashi. Tanua kasa tangatetba nung asen ABAM-i mapa balala inyaka arutar aser iba sentongya tanu tebilemtsu nung asen arogotemi koda shilem agitsu nungdak ta tangatetba nung agir ta paisa shisem. Mapa ajak nung “ni” ta asuba nungi tenzuker anungji asenoki lokti melenshitsu asoshi “ Ni melenshidi, na melenshiang aser ajak melenshidi” ta asuba tangatetba ayutsu tim ta ashiba den “ mezungbuba nung tila ka melenshiti, akoktsubatem melenshidi aser tatem matong tashi melenshidi” ta tangatetba nung seminar nung atenertem nungi tenzuka melenshi tenzukdi ta ayongzuka temoatsu angu.

Shisa len sayur tem ajanga tanu asen lokti nung tebilemtsu aika rong nungi asen tarutsu tia raksatsutsu tashi akaba khurettem ; Tetsu oshi samaba, rongsen dak rangloker temeim samaba, palalulaba, atsuapong kasa kiba kiyiba, temesepba chiyungtsu jateta atokba, election memerukteti agiba, India lima nung tamangba yimsu dak kongshia yimsusutsu tasa atongba ano aika., bener arua asenok shinga jenboa mali anungji, arogoi Tsungrem O den item tangatetba anganu mesura asen Naga nunger tamang jenjang samatsu mapang arutsu ana nung lir ta shia item onuktem jangja jangja rasa-a agutsu. Item tebilemtsu kokteta aotsu asoshi asenoki tekuboktiba tia-i aitsuah suaka asen lima ang jungra; tasu ita kija aser lokti balala dang ya tim masu yagi asen lima majungtsu ta ochi shia nokdaktsu mapang tongogo ta nenshia ashi. Ozu, ni, yimer, tulur aser tilar ta asuba ya asen Aor shisatsu nungi meintokra anosa teraksa tia-i aitsu aser putu sa putu teraksa tia nung alitsu ta shia liasu. Tatem nung, arung asen tangatetba khen meyiba reprangdanger melenshia inyaka asenoki Tsungrem O dangi meyipa odi ta tayongzukba tulu agutsu.