ABAM Literature & Education Ministry-i achaayanga Ao Theological Educators aser Lim Arogo Telungjem sentong Impur nung May 18 &19,2023 kanga takok ngua agiogo.
Rev. Dr. Mar Pongener, Executive Secretary, ABAM ajanga omen "Tenzükba wadang nung Liromedem" nung ajemdaker jembidang, tanü Arogo ka rangben temang taküm alitsü asoshi takumbanger aser tetuyur ka nüngdaker. Aser ibaji asenok tenzükertem ya lir. Asenok tsüngta nung Lirumedema tenzükba ajanga dang asenokya takümbangerji sütettsü. Iba liromedem adoktsü asoshi Theological Educators aser Arogo nung tenzükertemi kati ka metettepa alitsüla, sentong balala nung amalitepa nübo agütsütettsüla aser mapang ajak nung yongyatepba tanela alitsüla ta ayongzük.
Iba sentong nung onük ana lemsaer agia liasü.
1. Theological Educators-i Arogo nungi yimlaba: Iba onük nung Shisalen sayurtemi bener aruba tongtibangtemji yamai: Atsüabong tebendang makai Arogo nung tenzükdaktsütsü, Theology azüngtsüpurtem screening junga asütsü, Theology azüngertem asoshi lenmang yanglutsütsü aser Temang nung mokokmeinertem asoshi temulung agütsütsü. Iba onük nung Shisalen sayurtem; Rev. Dr. A. Tali Ao, Academic Dean, Clark Theological College, Mrs. Takosenla Walling, VP, New Life Theological College, Rev. Dr. Prof., S. Temjen Imchen, Principal, Agape College, aser Mrs. Narola Walling, Associate Professor, DBC liasü.
2. Arogoi Theological Educators nungi yimlaba: Iba onük nung jembirtem ashiba tongtipang onük kar yamai; Tanela Temeshi agi aniba tesayur, Kilir ka jenjang nung tangatetba agütsüba, Tanela taküm aser Tangazükba lirumedem agütsüba, Mitkar taküm kaka asüba aser Lokti Tebilemtsü kisüng dak amendaker sayuba masü saka Laishiba dak amendaker sayuba shisaliok tesem asütsüla. Iba onük nung shisa len sayurtem; Mrs. Alemla mozer, Secretary, ABAM WM, Rev. Temsüwati, Asso. Pastor, MTBA, Dr. Lolen Imchen, Pastor, Mangmetong BA, aser Rev. Tiatoshi Longkümer, Pastor, KABA liasü.
Ajak agi Theological Educators 35 aser arogo 75 nungi tenzükertem 143 arua iba sentong nung aden.
Maneni lokti ana liromedema lungjemer Tsüngremer wadang inyakdang tanela aika kodak lenmangi anitsü tamang sarasadem ayur.
Sd/-
Rev. Dr. Mar Pongener
Executive Secretary, ABAM
