Vocational Training cum Production Centre (VTPC), ABAM Women Ministry ajanga Zone 2 Dorka cell pur atema sü arba aser chiyungtsü tabu balala yangluba training ka ayonga August 5 & 6, 2024, Impur nung kanga takok ngua agiogo. Iba training nung Mrs. Ainla, Mkg ajanga sü arba aser Mrs. Anungla, Dimapur ajanga chiyungtsü yangluba sayua liasü. 

Aseni inyaktetba mapatem aika tangar nem inyakdakja rongsen kettsüng nunga teküboki aiba ajangshia arur. Aseni inyakba mapa nung tajangzük anguba tepela onsara tulu aser ibaji aseni inyaktetra lenmang aisü nung tajangzük lir. Anungji pei sasa inyaktetba nung temoatsü agitsü nükla tulu yur iba sentong agia arur aser aika temoatsü ngua lia odar. Tsüngrem tenüng asanger.

Ajak agi arogo 15 nungi parnok 29 arua iba training nung aten. 

Maneni iba sentong agia aodang Tsüngremer leniba agia aika tajangzük anguba sentong asütsü sarasademer.